ఆంధ్రప్రదేశ్ రాష్ట్ర రవాణా సంస్థ (ఏపీఎస్ఆర్టీసీ)లో ఆఫీసర్ అండర్ ట్రైనింగ్ జనరల్, ఆఫీసర్ అండర్ ట్రైనింగ్ టెక్నికల్ విభాగాల్లో ఉన్న ఖాళీ పోస్టులను భర్తీ చేసేందుకు దరఖాస్తులను ఆహ్వానిస్తోంది. జనరల్ విభాగంలో 17 పోస్టులు ఉండగా, టెక్నికల్ విభాగంలో 15 పోస్టులు ఖాళీగా ఉన్నాయి.
జనరల్ విభాగంలో దరఖాస్తు చేసుకునే అభ్యర్థులు కనీస విద్యార్హత ద్వితీయ శ్రేణిలో పీజీ / లా ఉత్తీర్ణత లేదా ఇంజనీరింగ్‌లో డిగ్రీ ఉత్తీర్ణులై ఉండాలి. అలాగే, ఆఫీసర్ అండర్ ట్రైనింగ్ (టెక్నికల్) విభాగంలో మెకానికల్ / ఆటోమొబైల్ ఇంజనీరింగ్‌లో డిగ్రీ పూర్తి చేసి ఉండాలి.
ఈ పోస్టులకు దరఖాస్తు చేసుకునే అభ్యర్థుల గరిష్ట వయస్సు 2011 జూలై ఒకటో తేదీ నాటికి 27 ఏళ్లకు మించరాదు. ఎస్సీ / ఎస్టీ / ఓబీసీలకు మాత్రం ఐదు, మూడేల్ళ సడలింపు ఉంటుంది. దరఖాస్తులను ఆన్‌లైన్ ద్వారా పంపుకోవచ్చు. పూర్తి చేసిన దరఖాస్తులను ఈనెల 23వతేదీ (ఆన్‌లైన్), పోస్టు ద్వారా ఏప్రిల్ 26వ తేదీలోపు పంపాల్సి ఉంటుంది.
