చపాతీలు, పూరీలు ఎక్కువగా తయారుచేసుకున్నప్పుడు వాటిని ఫ్రిజ్‌లో పెట్టుకుంటే పాడవకుండా ఉంటాయి. ఉదయం లేవగానే వంటచేయలేకపోతే ముందుగానే ఊతప్పం చేసుకుని ఫ్రిజ్‌లో ఉంచుకుంటే మంచిది. ఇలా చేయడం వలన మీ సమయం వృధా కాకుండా ఉంటుంది. ఎప్పుడు గుడ్లు, బ్రెడ్‌ను ఫ్రిజ్‌లో నిల్వ చేసుకుని ఉంటే మంచిది.
ఉల్లిపాయలు కట్‌ చేసేటప్పుడు కళ్లలో నీళ్లు రాకుండా ఉండాలంటే వాటిని చల్లటి నీటిలో వేసుకుంటే చాలు. అల్లం వెల్లులి పేస్ట్ ఎక్కువ రోజులు తాజాగా ఉండాలంటే ఆ మిశ్రమంలో కాస్త కాగిన నూనెను వేసుకుని ఫ్రిజ్‌లో పెట్టుకోవాలి. చపాతీ పిండిలో కొద్దిగా పాలు కలుపుకుని చేసుకుంటే చపాతీలు మృదువుగా ఉంటాయి. బఠాణీలు ఉడికించేటప్పుడు అందులో కాస్త చక్కెరను వేసుకుంటే వాటి రంగు మారదు.
