దేశంలో కరోనా వైరస్ స్ట్రెయిన్ కేసులు పెరిగిపోతున్నాయి. దీంతో దేశ ప్రజలు భయంతో వణికిపోతున్నారు. ఇప్పటికే కరోనా వైరస్ దెబ్బకు విలవిల్లాడిపోయిన ప్రజలు.. ఇపుడు కొత్తగా కరోనా స్ట్రెయిన్ రూపంలో సరికొత్త భయం పట్టుకుంది. పైగా, ఈ వైరస్ దేశంలో క్రమంగా ప్రభావం చూపుతోంది.
మొత్తం స్ట్రెయిన్ కేసుల్లో న్యూఢిల్లీలో 10, పశ్చిమ బెంగాల్‌లోని ఎన్‌ఐబీఎంజీ కల్యాణిలో 1, పుణెలో 5, హైదరాబాద్‌లో మూడు, బెంగళూరులో 10 కేసులు నమోదయినట్లు కేంద్రం ప్రకటించింది. యూకేలో కలకలం రేపుతున్న ఈ స్ట్రెయిన్ వైరస్ పలు ప్రపంచ దేశాల్లో ప్రభావం చూపుతోంది.
ఇకపోతే, యూకేతో పాటు భారత్, డెన్మార్క్, నెదర్లాండ్స్, ఆస్ట్రేలియా, ఇటలీ, స్వీడన్, ఫ్రాన్స్, స్పెయిన్, స్విట్జర్లాండ్, జర్మనీ, కెనడా, జపాన్, లెబనాన్, సింగపూర్ దేశాల్లో స్ట్రెయిన్ కేసులు నమోదవడం గమనార్హం.
