కరోనా వైరస్ బారినపడిన టాప్-3 దేశాల్లో ఇరాన్ ఒకటి. ఈ దేశంలో కరోనా వైరస్ బారినపడి చనిపోయిన వారి సంఖ్య 237గా ఉంది. అలాగే, వైరస్ బాధితుల సంఖ్య 7 వేలను దాటింది. దీంతో వివిధ జైళ్ళలో ఉన్న నేరస్థులను విడుదల చేయాలని నిర్ణయించింది.
ఫలితంగా దేశంలోని పలు ప్రాంతాల్లో వివిధ రకాల నేరాలు చేసి, శిక్షను అనుభవిస్తున్న దాదాపు 70 వేల మందిని విడుదల చేసింది. ఈ విషయాన్ని ఇరాన్ జ్యుడీషియరీ చీఫ్ ఇబ్రహీం రైసీ వెల్లడించారు. ఖైదీల విడుదలపై ఇరాన్ పత్రికలు, వెబ్ సైట్లలో ప్రత్యేక కథనాలు వెలువడ్డాయి.
