ప్రపంచాన్ని వణికిస్తున్న కరోనా వైరస్ ఇపుడు పలు దేశాల్లో రెండో దశ వ్యాప్తి ప్రారంభమైంది. దీంతో బ్రిటన్ వంటి దేశాల్లో లాక్డౌన్ అమలు చేశారు. ఈ క్రమంలో భారత్‌లో కూడా కరోనా వైరస్ రెండో దశ వ్యాప్తి ప్రారంభమవుతుందనే హెచ్చరికలు వస్తున్నాయి. అయితే, దీనిపై వైద్య నిపుణులు స్పందిస్తూ, భారత్‌లో కరోనా వైరస్ సెకండ్ వేవ్ ఉండ‌క‌పోవ‌చ్చ‌ని అభిప్రాయపడుతున్నారు.
ఒక‌వేళ వ‌చ్చినా.. అది మొద‌టి వేవ్ స్థాయిలో ఉండ‌ద‌ని కూడా వాళ్లు తేల్చి చెబుతున్నారు. ప్ర‌స్తుతం దేశంలో కేసుల సంఖ్య కోటి దాటినా.. రోజువారీ కేసులు, మ‌ర‌ణాల సంఖ్య భారీగా త‌గ్గుతూ వ‌స్తోంది. గ‌త 21 రోజులుగా కేసుల సంఖ్య 40 వేల లోపే ఉంద‌ని కేంద్ర ఆరోగ్య శాఖ కూడా స్ప‌ష్టం చేసింది. తాజాగా శ‌నివారం కూడా దేశంలో కేసుల సంఖ్య 26,624కు ప‌రిమితం కాగా.. కోలుకున్న వారి సంఖ్య 29,690 కావడం విశేషం. ఈ నేప‌థ్యంలో దేశంలో కరోనా సెకండ్ వేవ్ ముప్పు లేన‌ట్లేన‌ని ప‌లువురు నిపుణులు చెబుతున్నారు.
అయితే, ప్ర‌స్తుతం దేశంలో ఇంకా 30 నుంచి 40 శాతం మంది అస‌లు కొవిడ్ బారిన ప‌డ‌లేద‌ని ప్ర‌ముఖ కార్డియాల‌జిస్ట్ కేకే అగ‌ర్వాల్ చెప్పారు. ప్ర‌పంచంలో ఇండియా, అర్జెంటీనా, పోలాండ్‌తోపాటు 15 దేశాల్లో సెకండ్ వేవ్ క‌నిపించ‌డం లేద‌న్నారు.
