పాకిస్థాన్ రాజకీయ నేత, మాజీ క్రికెటర్ ఇమ్రాన్ ఖాన్‌పై మాజీ భార్య రీహమ్ విమర్శలు గుప్పించారు. పెళ్ళిరోజు బహుమతిగా ఏమిస్తారని గత ఏడాది అక్టోబర్ 31న ఇమ్రాన్‌ను అడిగితే.. చివరకు తనకు విడాకులు ఇచ్చారన్నారు. ''మా పెళ్లి రోజు సందర్భంగా గత ఏడాది అక్టోబర్ 31న ఏ బహుమతి ఇస్తారని అడిగాను. విడాకులు ఇచ్చారు" అని పేర్కొంది.
కాగా, ఇంగ్లండ్‌‌కు చెందిన జెమీమా గోల్డ్‌ స్మిత్‌‌ను మొదట పెళ్లి చేసుకున్న ఇమ్రాన్ 2004లో ఆమెకు విడాకులు ఇచ్చాడు. వీరిద్దరికీ ఇద్దరు కొడుకులు ఉన్నారు. రెండేళ్ల క్రితం ఇమ్రాన్ టీవీ జర్నలిస్టు రెహమ్‌‌ను రెండో పెళ్లి చేసుకున్నాడు. అయితే పెళ్లయిన 10 నెలలకే ఇమ్రాన్.. రెహమ్‌‌కు కూడా విడాకులు ఇచ్చాడు.
