ఈ ఓటమిపై క్లార్క్ స్పందిస్తూ ఇంగ్లండ్తో మూడో టెస్ట్లో బ్యాటింగ్ వైఫల్యం కారణంగానే ఓడినట్టు చెప్పాడు. తనతో పాటు మిడిలార్డర్ బ్యాట్స్మెన్ చెత్త ప్రదర్శన చేశారన్నాడు. తన ఆట జట్టుపై తీవ్ర ప్రభావం చూపిందన్నాడు. ‘ఇంగ్లండ్ మెరుగైన బౌలింగ్తో మమ్మల్ని త్వరగా ఆలౌట్ చేసింది. ఈ మ్యాచ్కు మా సన్నద్ధత సరిగా లేదని భావిస్తున్నాం. కఠినంగా శ్రమించినట్టయితే మైదానంలో జట్టు ఆత్మవిశ్వాసం పెరిగేది. రోజర్స్, వార్నర్ మినహా మిగతా ఆటగాళ్లు విఫలమయ్యారు. ఇక మిగతా సిరీస్లో నేను ఫామ్లోకి రావడం అత్యవసరమ’ని క్లార్క్ చెప్పాడు.
కాగా, ఈ టెస్ట్ మ్యాచ్లో ఆస్ట్రేలియా తన తొలి ఇన్నింగ్స్లో 136 పరుగులకే ఆలౌట్ కాగా, రెండో ఇన్నింగ్స్లో 265 పరుగులు చేసింది. అలాగే, ఇంగ్లండ్ జట్టు తన తొలి ఇన్నింగ్స్లో 281 పరుగులు చేయగా, రెండో ఇన్నింగ్స్లో 124/2 పరుగులు చేయడంతో ఎనిమిది వికెట్ల విజయాన్ని సాధించింది. కాగా, ఈ రెండు ఇన్నింగ్స్లలో క్లార్క్ కేవరం 10, 3 చొప్పున పరుగులు చేశారు.