క్రికెట్ మ్యాచ్‌లు ఆడుతూనే.. తాను పెయింటింగ్ చేయడం మొదలెట్టానని ధోనీ చెప్పాడు. ఇలా ఇప్పటికే కొన్ని పెయింటింగ్స్ చేశానని.. ఇలా పెయింటింగ్స్ చేస్తూ తన కెరీర్‌ను ముందుకు సాగించాలనుకుంటున్నానని తెలిపాడు. త్వరలో ఆర్ట్ ఎగ్జిబిషన్ కూడా ఏర్పాటు చేయనున్నానని.. ఆ ఎగ్జిబిషన్‌లో తన పెయింటింగ్స్ కూడా వుంటాయని తెలిపాడు.
ఈ వీడియోలో ధోనీ తాను పెయింట్ చేసిన చిత్రాలను వరుసగా చూపెట్టాడు. ఇంకా ఆ పెయింటింగ్స్ అందరికీ నచ్చుతాయని ఆశాభావం వ్యక్తం చేశాడు. ఈ క్రమంలో మొదటిసారిగా బ్యూటీఫుల్ ల్యాండ్ స్కేప్‌ను పెయింట్ చేశానన్నాడు. ఇంకా ఫ్యూచర్ ఫ్లైన్‌ను గీశానని.. ఇక బ్యాటు, బాలుతో తనకు ఫేవరెట్ అయిన క్రికెట్‌కు సంబంధించిన బొమ్మను గీశానని చెప్పుకొచ్చాడు.
క్రికెట్ బొమ్మను గీసేందుకు ఎక్కువ సమయం తీసుకున్నానని.. తాను గీసిన ఈ పెయింటింగ్స్‌ను ఎగ్జిబిషన్‌లో పెట్టేందుకు ఆర్టిస్ట్స్ కమ్యూనిటీ ముందుకు రావాలని పిలుపునిచ్చాడు. ఇందుకు కాస్త సమయం తీసుకోవచ్చునని ధోనీ వెల్లడించాడు. ఈ పెయింటింగ్స్‌ను ఆదరిస్తానని, లైక్ చేస్తారని భావిస్తున్నట్లు ధోనీ తెలిపాడు.
