భారత్-ఆస్ట్రేలియాల మధ్య జరుగుతున్న నాలుగో టెస్టు తొలి రోజు ఆటలో.. ఆస్ట్రేలియాదే పైచేయి. స్టార్ బ్యాట్స్‌మన్ మార్నస్ లబుషేన్ (204 బంతుల్లో 9 ఫోర్లతో 108) సూపర్ సెంచరీకి తోడు మాథ్యూ వేడ్(87 బంతుల్లో 45) బాధ్యతాయుత ఇన్నింగ్స్‌తో తొలి రోజు ఆట ముగిసే సమయానికి ఆసీస్ 5 వికెట్ల నష్టానికి 274 పరుగులు చేసింది. క్రీజులో కెప్టెన్ టిమ్ పైన్(38 బ్యాటింగ్), కామెరూన్ గ్రీన్ (28 బ్యాటింగ్) ఉన్నారు. భారత బౌలర్లలో అరంగేట్ర పేసర్ నటరాజన్ రెండు వికెట్లు తీయగా.. మహ్మద్ సిరాజ్, శార్దుల్ ఠాకుర్, వాషింగ్టన్ సుందర్ తలో వికెట్ దక్కించుకున్నారు.
