మ్యాచ్లకు అనుమతిస్తే తాము రోజుకూ 40 లక్షలకు పైగా లీటర్ల నీటిని లాతూర్ సహా ఇతర ప్రాంతాలకు తాము సరఫరా చేస్తామని బీసీసీఐ కోర్టుకు తెలిపింది. దీంతోపాటు కరువు సహాయనిధి కింద ముంబై, పుణె ఫ్రాంచైజీలు చెరో రూ.5 కోట్లను రాష్ట్రానికి అందజేస్తాయని కూడా కోర్టుకు వివరించింది.
అయినా, కూడా కోర్టు మాత్రం మ్యాచ్ల నిర్వహణకు అంగీకరించలేదు. ఏప్రిల్ 30 తర్వాత మహారాష్ట్రలో జరిగే మ్యాచ్లన్నింటినీ వేరేచోటకు తరలించాలని జస్టిస్ వీఎమ్ కనడె, జస్టిస్ ఎమ్ఎస్ కార్నిక్లతో కూడిన ద్విసభ్య బెంచ్ ఆదేశాలు జారీచేసింది. తాజా కోర్టు ఆదేశాలతో ఏప్రిల్ 30లోపు కేవలం ఆరు మ్యాచ్లు మాత్రమే మహారాష్ట్రలో నిర్వహించనున్నారు.