ఆస్ట్రేలియా వేదికగా ఆదివారం నుంచి ఐసీసీ ట్వంటీ20 ప్రపంచ కప్ పోటీలు ప్రారంభమయ్యాయి. ఈ పోటీల్లో భాగంగా, తొలి రౌండ్ క్వాలిఫయర్ పోటీల్లో భాగంగా ఆదివారం శ్రీలంక జట్టు క్రికెట్ పసికూన నమీబియాతో తలపడింది. అయితే, లంకేయులకు నమీబియా క్రికెటర్లు తేరుకోలేని షాకిచ్చారు. 55 పరుగుల తేడాతో లంక జట్టును చిత్తు చేశారు.
ఇదిలావుంటే, ఆదివారం నుంచి ప్రారంభమైన తొలి రౌండ్ పోటీల్లో మొతంత 8 జట్లు పాల్గొంటాయి. జీలాంగ్‌, హోబర్ట్‌లో ఈ మ్యాచ్‌లు జరుగుతాయి. సూపర్‌-12లో ప్రస్తుతం 8 జట్లున్నాయి. మిగిలిన నాలుగు జట్ల కోసమే ఈ అర్హత మ్యాచ్‌లు.
గ్రూప్‌-ఎలో నమీబియా, నెదర్లాండ్స్‌, శ్రీలంక, యూఏఈ ఉండగా.. గ్రూప్‌-బిలో స్కాట్లాండ్‌, ఐర్లాండ్‌, వెస్టిండీస్‌, జింబాబ్వే పోటీపడనున్నాయి.
