భారత ఓపెనర్ రోహిత్ శర్మ పట్ల అనుచితంగా ప్రవర్తించిన డేవిడ్ వార్నర్‌కు జరిమానా విధించారు. అంతేగాకుండా దురుసు ప్రవర్తన మానుకోవాలని, మరోసారి ఇలా వ్యవహరించకూడదంటూ క్రికెట్ ఆస్ట్రేలియా చీఫ్‌ ఎగ్జిక్యూ టీవ్‌ జేమ్స్‌ సదర్లాండ్‌ వార్నర్‌ను హెచ్చరించారు.
రోహిత్-రైనా బ్యాటింగ్‌ చేస్తున్న సమయంలో ఓవర్‌ త్రోకు వీరిద్దరూ పరుగు తీశారు. ఆ సమయంలో రోహిత్, వార్నర్‌ మధ్య వాగ్వాదం జరిగింది. వార్నర్‌ తాను తప్పు చేసినట్లు అంగీకరించాడు. అతనికి మ్యాచ్‌ ఫీజులో సగం జరిమానా విధించడం జరిగింది.
