వన్డే ప్రపంచ కప్ - 2015 వివరాలను అందజేసేందుకు అంతర్జాతీయ క్రికెట్ మండలి (ఐసీసీ) కొత్తగా ఓ యాప్ ను ప్రారంభించింది. ఈ విషయాన్ని ఐసీసీ అధికారులు వెల్లడించారు. తాము రిలయన్స్ కమ్యూనికేషన్స్ భాగస్వామ్యంతో ఈ యాప్ ను రూపొందించినట్టు తెలిపారు. ఈ యాప్ను గూగుల్ ప్లే, యాప్ స్టోర్ నుంచి ఉచితంగా డౌన్ లోడ్ చేసుకోవచ్చునని వారు పేర్కొన్నారు.
ఈ కొత్త యాప్ ద్వారా ప్రపంచ కప్‌కు సంబంధించి అన్ని వివరాలను, తాజా సమాచారాన్ని తెలుసుకోవచ్చునని వారు తెలుపుతున్నారు. ప్రపంచ కప్ లో ప్రతీ మ్యాచ్ ప్రత్యక్ష స్కోరు వివరాలను కూడా యాప్ ద్వారా చూడవచ్చునని, ఇక ప్రత్యక్ష ప్రసారం చూడలేకపోయినవారు మ్యాచ్ అనంతరం హైలెట్స్ వీక్షించవచ్చునని తెలిపిరా. కాగా ఈ ఏడాది ఫిబ్రవరి నెల 14 నుంచి ఆస్ట్రేలియా, న్యూజిలాండ్ సంయుక్త ఆతిథ్యంలో ప్రపంచ కప్ క్రికెట్ పోటీలు జరగనున్న విషయం తెలిసిందే.
