టీమిండియా ప్రపంచకప్ ఆశలన్నీ స్టార్ బ్యాట్స్మన్ విరాట్ కోహ్లీ చుట్టే అల్లుకున్నాయని మాజీ కెప్టెన్ రాహుల్ ద్రవిడ్ అభిప్రాయపడ్డారు. డిఫెండింగ్ ఛాంపియన్ హోదా నిలబెట్టుకోవాలంటే కోహ్లీ రాణించడం ఎంతో అవసరం అని స్పష్టం చేశారు. టీమిండియా వరల్డ్ కప్ ఆశలపై ఆయన విశ్లేషిస్తూ, ప్రస్తుతం టీమిండియా విరాట్పై ఆధారపడినట్టు కనబడుతోందన్నారు.
భారత జట్టు బ్యాటింగ్ ఆర్డర్ గమనిస్తే ఆ విషయం స్పష్టంగా అర్ధమవుతుందని, బౌలర్లు ఎంతో మెరుగుపడాల్సి ఉందని తెలిపారు. బౌలింగ్తో పాటు జట్టు లోపాలను సరిదిద్దుకుని వరల్డ్ కప్లో రాణించాల్సి ఉందని రాహుల్ ద్రవిడ్ అభిప్రాయపడ్డారు.