ఉత్తరప్రదేశ్ రాష్ట్రంలోని ఆగ్రాలో కట్టుకున్న భర్తతో మద్యం మాన్పించేందుకు ఓ భార్య చేసిన పనిని తెలుసుకుంటే ప్రతి ఒక్కరూ విస్తుపోతారు. నిత్యం తాగి ఇంటికి వస్తున్న భర్తను తన దారికి తెచ్చుకునేందుకు ఆమె కూడా మద్యానికి బానిసైనట్టుగా నటించింది. పైగా, భర్తను చితకబాదసాగింది. భార్య వేధింపులు భరించలేదని భర్త.. తన ప్రాణాలు రక్షించాలని పోలీసులతో పాటు కౌన్సెలింగ్ సెంటర్‌ను ఆశ్రయించాల్సిన పరిస్థితి ఏర్పడింది.
తాను భర్తతో మద్యం మాన్పించడానికే తాగుబోతులా నటిస్తున్నానని భార్య చెప్పడంతో వారంతా విస్తుపోయారు. ఆ తర్వాత కౌన్సిలింగ్ సెంటర్ వారు ఆ దంపతుల మధ్య ఒక ఒప్పందం కుదిర్చి ఇంటికి పంపించారు. తన భర్త వారానికి ఒక్కసారి మాత్రమే మద్యం సేవించాలన్న షరతు పెట్టగా, అందుకు భార్య కూడా సమ్మతించింది. మరీ ముఖ్యంగా, మద్యం సేవించిన తర్వాత భార్యతో గొడవ పెట్టుకోరాదని, వాగ్వాదానికి దిగరాదని వారు సూచించారు.
