ప్రపంచ దేశాలను కరోనా ఒకవైపు, బర్డ్ ఫ్లూ మరోవైపు వణికిస్తున్న నేపథ్యంలో.. దేశంలో బర్డ్‌ఫ్లూ భయాందోళనల నేపథ్యంలో భారత ఆహార భద్రత, ప్రామాణికాల సంస్థ (ఎఫ్‌ఎస్‌ఎస్‌ఎఐ) కొన్ని వివరణలతో కూడిన సూచనలు జారీ చేసింది. హాఫ్ బాయిల్డ్ గుడ్లను, సరిగా ఉడకని చికెన్‌ను తీసుకోవద్దని ప్రజలకు సూచించింది. అయితే బర్డ్‌ఫ్లూపై భయపడాల్సిన అవసరం లేదని, కానీ చిన్నపాటి జాగ్రత్తలు మాత్రం తప్పనిసరని వినియోగదారులను, ఆహార పరిశ్రమలను కోరింది.
