అమ్మాయిలను బుట్టలో పడేయడానికి షోకిల్లారాయుళ్ళు రోజుకో అవతారం ఎత్తుతుంటారు. రోజుకో రకం ప్యాంటు... పూటకో చొక్కా మార్చే వారున్నారు. అంతేనా... జులపాలు పెంచుకుని ప్రత్యేకంగా కనిపించేందుకు పడరాని పాట్లు పడుతుంటారు. ఈ మధ్య కాలంలో చెవులకు లోలాకులు, ముక్కులకు ముక్కుపడకలు కూడా పెట్టుకుంటున్నారు. ఏమంటే అదో ఫ్యాషనని చెప్పేస్తున్నారు.
పరిశోధకులు తాజాగా సర్వే నిర్వహించారు. మహిళలు తన భాగస్వామిని ఎన్నుకోవడానికి గల కారణాలపై ఆరా తీశారు. చాలా మంది నుంచి వచ్చిన సమాధానం ఒక్కటే. అదే మగవాళ్ళు ధరించే కళ్ళజోడు. కళ్ళద్దాలు ధరించే వారు చాలా తెలివైన వారని, మృదుస్వభావావులని మహిళలు భావిస్తున్నారు. ఈ కారణంతోనే వారిపట్ల ఆకర్షితులవుతున్నారు.
పైగా తమకు సరియైన జీవిత భాగస్వామి వారేననే నిర్ణయానికి వచ్చేస్తున్నారు. కళ్ళజోడు ధరించే పురుషులు సెక్సీగా, అందంగా కనిపిస్తుంటారనే అభిప్రాయాన్ని వ్యక్తం చేశారు. సర్వేలో దాదాపుగా 96 శాతం మంది మహిళలు ఇవే అభిప్రాయాలను వ్యక్తం చేస్తున్నారు. మీలో పెళ్ళి కాని యువకులున్నారా.... అయితే ఇంకెందుకు ఆలస్యం ఇప్పుడే ఆప్టికల్ షాపుకు పరుగులు పెట్టండి.
