వర్షాకాలంలో చీటికి మాటికి జలుబు, దగ్గు వేధిస్తుందా? అయితే ప్రోటీన్లతో కూడిన చికెన్ రసాన్ని వేడి వేడి అన్నంలో కలుపుకుని తినండి అంటున్నారు వైద్యులు. చికెన్ బరువును నియంత్రిస్తుంది. ఇందులోని ప్రోటీన్లు ఆరోగ్యానికి మేలు చేస్తాయి. అలాంటి చికెన్‌తో బిర్యానీలు, ఫ్రైలు కాకుండా వెరైటీగా రసం ట్రై చేద్దాం..
తయారీ విధానం :
ముందుగా మిక్సీలో ఉల్లి తరుగు, జీలకర్ర, మిరియాలు, జీలకర్ర, పసుపు పొడి, అల్లం, వెల్లుల్లి పేస్ట్‌ను రుబ్బుకోవాలి. కుక్కర్లో రెండు స్పూన్ల నూనె పోసి కరివేపాకు.. రుబ్బుకున్న మిశ్రమాన్ని వేసి వేయించాలి. ఆపై టమోటా తరుగు, శుభ్రం చేసుకున్న చికెన్ ముక్కలు చేర్చి.. తగినంత నీరు, ఉప్పును చేర్చుకోవాలి. ఆపై కుక్కర్‌ను మూతపెట్టి చికెన్‌ను ఉడికించాలి. ఉడికాక దించేసి... కొత్తిమీర తరుగును చల్లి వేడి వేడి అన్నంతో సర్వ్ చేస్తే జలుబు, దగ్గు మాయమవుతుంది. అంతే చికెన్ రసం రెడీ..
