సాకర్ పోటీలు జరుగుతున్న వేళ క్రీడాభిమానులు పండగ చేసుకుంటున్నారు. ప్రస్తుతం వరల్డ్ కప్ సాకర్ పోటీలు జరుగుతున్న రష్యాకు వెళ్లిన కొలంబియా మహిళా జర్నలిస్టుకు వింత అనుభవం ఎదురైంది. లైవ్ రిపోర్ట్ ఇస్తుండగా ఓ గుర్తు తెలియని యువకుడు ఆమె గుండెల వద్ద చేతితో గట్టిగా పట్టుకుని.. బుగ్గపై ముద్దెట్టి వెళ్లిపోయాడు. ఈ ఘటనకు సంబంధించిన వీడియోను బాధితురాలు సోషల్ మీడియాలో పంచుకుంది.
వివరాల్లోకి వెళితే.. జర్మన్ న్యూస్ చానల్‌లో పనిచేస్తున్న జూలియట్ గోంజాలెజ్ థెరాన్ అనే యువతి పనిచేస్తుంది. సాకర్ వరల్డ్ కప్ కోసం ఆమె రష్యాకు వెళ్లింది. ఈ క్రమంలో సరన్స్ ప్రాంతంలో నిలబడి లైవ్ రిపోర్టు ఇస్తుండగా, గుర్తు తెలియని ఓ యువకుడు వచ్చి, ఆమెకు బుగ్గపై ముద్దు పెట్టి వెళ్లాడు. అదే సమయంలో ఆమె గుండెల వద్ద చేత్తో గట్టిగా పట్టుకున్నాడు.
ఈ సంఘటనపై అప్పటికప్పుడు స్పందించలేకపోయిన జూలియట్.. తన లైవ్ కవరేజ్‌ని కొనసాగించింది. తాను లైవ్ రిపోర్టు ఇచ్చే ఉద్దేశంతో అంతకు రెండు గంటల ముందు నుంచి అదే ప్రాంతంలో ఉన్నానని చెప్పింది. లైవ్ ఇస్తున్నప్పుడు వెంటనే రియాక్ట్ కాబోనని తెలుసుకున్న ఆ వ్యక్తి ఈ పని చేసి వెళ్లాడని బాధితురాలు సోషల్ మీడియాలో వెల్లడించింది.
