ఇంకా రేగు ఆకుల ముద్దను ఉలవచారు లేదా శనగలతో చేసిన చారుకి కలిపి తీసుకోవాలి. ఆముదం ఆకులను కాల్చి బూడిదను చేసి నిల్వచేసుకోవాలి. దీనిని మోతాదుకు చిటికెడు చొప్పున చిటికెడు ఇంగువ పొడిని కలిపి రెండు పూటలా బియ్యం కడిగిన నీళ్లతో కలిపి తీసుకోవాలి. త్రికటు చూర్ణం (శొంఠి, పిప్పళ్లు, మిరియాలు) లేదా త్రిఫలాలు కరక్కాయ, తానికాయ, ఉసిరికాయ చూర్ణాన్ని రోజూ అర స్పూన్ మేర తీసుకుంటే బరువు తగ్గుతుంది. వీటితో పాటు పెసర్లు, చిరు శెనగలు తీసుకోవాలి. సోఫాలు, పరుపులు వాడకూడదు. పగటి పూట నిద్రపోకూడదు.
అలాగే మజ్జిగను ఆహారంలో చేర్చుకోవాలి. మనస్సుకు, శరీరానికి ఏదో ఒక వ్యాపకం కలిగించుకుంటూ వుండాలి. క్రమం తప్పకుండా వ్యాయామం చేస్తుండాలి. తేనెను వేడినీటిలో కలుపుకుని తాగడం.. వేడి నీటిని తీసుకుంటూ వుండటం చేయాలి. అన్ని రుచులు కలిగిన ఆహారాలను తినాలి.
