నిజానికి కోరిక అనేది ఆశలో నుంచే పుడుతుంది. ఆ కోరిక నెరవేరకపోతే తీవ్రమైన నిరాశ కలుగుతుంది. కోరికల ఊబిలో చిక్కినవాళ్లు ఇలా ఆశ నిరాశల నడుమ ఊగిసలాడుతూనే వుంటారు. చివరిశ్వాస విడిచే సమయంలో కూడా, ఏదో ఒక కోరిక నెరవేర్చుకోకుండా పోతున్నట్టుగా అసంతృప్తితో కనిపిస్తారు. ఇలా కోరికలు తీరకుండానే కన్నుమూసే వారు.. కోరికల కారణంగానే తిరిగి జన్మించడం జరుగుతుంది. మళ్లీ కథ అక్కడి నుంచే ప్రారంభమవుతుంది.
పుట్టగొడుగుల్లా పుట్టుకొచ్చే కోరికలు, వాటిని నెరవేర్చుకోవడానికి పడే కష్టాలతోనే మరో మారు జన్మ వృథా అవుతూ వుంటుంది. అందుకే కోరికలను జయించాలనేది మహర్షుల మాట. కోరికలపై అదుపు సాధించిన వాళ్లే భగవంతుడి పాదాలను సమీపించగలుగుతారు.