గృహానికి ఫ్లవర్‌వాజ్‌లు, అందమైన పూలగుత్తులు ప్రత్యేక ఆకర్షణిస్తాయన్న విషయం తెలిసిందే. ఇంటికి అందాన్ని చేకూర్చే విధానంలో గృహిణిలు అధిక శ్రద్ధను చూపిస్తుంటారు. అంతే కాకుండా గృహాలంకరణకు సంబంధించిన చేతి పనులను తెలుసుకోవటానికి మక్కువ చూపుతారు.
ఇలాంటి వారి కోసమే.. ఈ పింగాణి జాడీతో ఫ్లవర్‌వాజ్ తయారీ. ముందుగా ఇంటిలోని ఏదేని వినియోగించని జాడీనీ తీసుకుని దానిపై మీరు ఎంచుకున్న రంగును వేసుకుని.. ఆ రంగుపై మీకు నచ్చిన పూల స్టిక్కర్‌లు గాని లేదా... ఏదైనా పక్షుల బొమ్మలను గాని అతికించాలి.
వీటికి తోడు ఆ జాడీలో ప్లాస్టిక్ పూల గుత్తులను అమర్చితే అందమైన పింగాణీ ఫ్లవర్‌వాజ్ రెడీ. ఈ ఫ్లవర్‌వాజ్‌ను ఇంటిలోని మూలల్లో ఒక టేబుల్‍‌పై ఉంచితే... ఇంటికి మరింత కళ వస్తుంది.
