వంటగదిలో దుర్వాసన వెదజల్లుతుంటే దానిని నివారించేందుకు ఏం చేయాలనేది ప్రధానంగా మహిళల్లో ఆందోళన ఉంటుంది.
** చేపలతో వంటలు చేసినప్పుడు గిన్నెలకు ఆ వాసన అంటుకుంటుంది. అప్పుడు పాత్రలు కడిగే నీటిలో ఆవాల పొడిని కలపండి. చేపల వాసన పోతుంది.
** చేపలు కోసిన కత్తికి, చేతులకు కూడా ఆవాలపొడి రాసుకోండి వాసన వుండదు.
** కోడిగుడ్డు వాసన పోవాలంటే గిన్నెను కాని, బాండీని కాని శుభ్రం చేశాక ఒకసారి గ్యాస్స్టౌపై పెట్టి వేడి చేయండి. గిన్నెలకు వున్న నీచు వాసన పోతుంది.
** ఉల్లిపాయ కోశాక ఏవైనా ప్రూట్స్ కట్చేద్దామంటే ఉల్లి వాసనే వస్తూ వుంటుంది. అందుకని ఉల్లిపాయను కట్చేసిన కత్తిపీటను కానీ, చాకునుకానీ నిమ్మ చెక్కతో రుద్దితే ఉల్లివాసన పోతుంది. అదే విధంగా చేతులకు కూడా నిమ్మ చెక్క రాసుకుంటే వాసన పోతుంది.