భారతీయులను తిట్టి వారి కారును ధ్వంసం చేసిన ఇద్దరు ఆస్ట్రేలియన్లను భారతీయ యువకులు కలిసి కట్టుగా చితకబాదారు.
ఆస్ట్రేలియాకు చెందిన స్థానికి స్కేటర్ ఓ భారతీయుని కారు వెనుకవైపునవున్న కిటికీ అద్దాలను పగులగొట్టడంతో ఏపింగ్‌లోనున్న మీడోగ్లేన్ అంతర్జాతీయ అథ్లెటిక్ స్టేడియం బయట కార్ పార్కింగ్ ప్రాంతంలో ఈ ఘటన జరిగింది.
స్టేడియంలో కబడ్డీ మ్యాచ్‌ను చూసిన ఆనందంతో ఆదివారం రాత్రి భారతీయులందరూ స్టేడియం బయటకు వచ్చినప్పుడు ఈ సంఘటన జరిగిందని పోలీసులు తెలిపారు.
తీవ్రంగా గాయాలపాలైన వారిని నార్తన్ ఆసుపత్రికి తరలించడం జరిగిందని పోలీసులు తెలిపారు. వీరి వయసు వరుసగా 25, 42 సంవత్సరాలని పోలీసులు తెలిపారు.
ఇదిలావుండగా ఇప్పటివరకు ఎవ్వరినీ తాము అదుపులోకి తీసుకోలేదని, ప్రస్తుతం తాము సంఘటన జరిగిన తీరుపై దర్యాప్తు చేస్తున్నామని పోలీసులు వెల్లడించారు.
