అమెరికా అధ్యక్షుడు బరాక్ ఒబామా మూడు రోజుల భారత పర్యటన విజయవంతంగా ముగిసింది. మంగళవారం మధ్యాహ్నం ఒబామా దంపతులు ఢిల్లీలోని పాలం ఎయిర్ బేస్ నుంచి సౌదీ అరేబియాకు బయలుదేరి వెళ్లారు. వారికి ప్రధాని మోడీ, భారత దౌత్య అధికారులు వీడ్కోలు పలికారు.
కాగా, ఎయిర్ ఫోర్స్ వన్ విమానంలోపలికి ప్రవేశించే ముందు ఒబామా, ఆయన అర్థాంగి మిషెల్ భారత వర్గాలకు సంప్రదాయబద్ధంగా రెండు చేతులు జోడించి ధన్యవాదాలు తెలిపి, నిష్క్రమించారు. ఒబామా ఇటీవల మరణించిన సౌదీ రాజు కుటుంబాన్ని పరామర్శిస్తారు.
