రోడ్డు ప్రమాదంలో ప్రియుడు ప్రాణాలు కోల్పోయాడు. అయితే ఆ ప్రేయసి అతనిని మరిచి.. కొత్త జీవితాన్ని ప్రారంభించలేదు. మరణించిన ప్రియుడి బిడ్డకు తల్లి కావాలనుకుంది. ఇందుకు కోర్టు కూడా గ్రీన్ సిగ్నల్ ఇచ్చింది. ఈ ఘటన ఆస్ట్రేలియాలో చోటుచేసుకుంది. ఆస్ట్రేలియాకు చెందిన ఈ ప్రేమ కథ ప్రస్తుతం సోషల్ మీడియాలో వైరల్ అవుతోంది.
వివరాల్లోకి వెళితే.. డేవిస్, ఐలా ప్రేమించుకున్నారు. పెళ్లి చేసుకుందామనుకున్నారు. ఇంతలోనే ఓ రోడ్డు ప్రమాదంలో డేవిస్ మృతి చెందాడు. అయితే ఐలా అతనిని మర్చిపోయి కొత్తజీవితం ప్రారంభించలేదు. దీంతో తన ప్రియుడి వీర్యంతో పిల్లల్ని కనాలని నిర్ణయించుకుంది.
ఈ రెండు నెలల విచారణలో న్యాయస్థానానికి ఐలా ఎన్నో ఆధారాల‌ను స‌మ‌ర్పించింది. దీంతో డేవిస్ వీర్యంతో పిల్లల్ని కనేందుకు న్యాయస్థానం అనుమతించింది. కృత్రిమ గ‌ర్భ‌దార‌ణ విధానం ద్వారా ఓ క్లినిక్‌‌లో ఈ ప్ర‌క్రియ‌ను చేప‌ట్టాల‌ని ఆదేశించింది. దీంతో సోషల్ మీడియాలో అరుదైన ప్రేమికురాలిగా ఐలా గుర్తింపు పొందింది. ఐలా లవ్ స్టోరీ ప్రస్తుతం సోషల్ మీడియాలో వైరల్ అవుతోంది.
