ఎంతసేపటికీ రెండు వర్గాల వారు వెనక్కి తగ్గని పరిస్థితుల్లో పైలట్ జోక్యం చేసుకోవలసి వచ్చింది. ఈ వాగ్వివాదం శాన్ ఫ్రాన్సిస్కో నుంచి మెక్సికో(ప్యుయెర్టా వాల్లార్టా)కు వెళ్లే యునైటెడ్ ఎయిర్‌లైన్స్ విమానంలో చోటుచేసుకుంది. జాన్ బ్యుయర్ అనే వ్యక్తి విమానంలో జరిగిన తతంగాన్ని వీడియో తీసి యూట్యూబ్‌లో అప్‌లోడ్ చేశాడు. ఈ వీడియో స్థానికంగా ఎంతో కలకలం రేపింది.
ఈ వీడియో ఆఫ్రో-అమెరికన్ మహిళను అగౌరవపరిచే వ్యాఖ్యలు చేశారు. దీంతో ఆమె కన్నీళ్లు పెట్టుకుంది. ఈ వ్యవహారం పైలట్ వరకు వెళ్ళింది. పైలట్ రంగంలోకి దిగి సర్దిచెప్పాడు. విమానంలో గొడవ జరిగింది నిజమేనని యునైటెడ్ ఎయిర్ లైన్స్ అధికార ప్రతినిధి మెక్ కార్తే ధ్రువీకరించారు. అయితే గొడవ సర్దుకుందని.. విమానంలో నుంచి ఎవర్నీ దించలేదని చెప్పారు.
