ఇరువురు జనరల్స్ జరిపిన సమావేశంలో భద్రత, రక్షణ సహకారాన్ని విస్తరించుకోవడం గురించి చర్చించారు. పాకిస్థాన్ వెల్లడిస్తున్న సమాచారం ప్రకారం పాకిస్థాన్ - ఆఫ్ఘనిస్థాన్ సరిహద్దులో ఉగ్రవాద మూకలపై పాకిస్థాన్ తీసుకున్న చర్యలను చైనా ప్రశంసించినట్లు తెలుస్తోంది.
చైనాలోని ముస్లింలు అధికంగా ఉన్న జిన్జియాంగ్ రీజియన్లో జరిగిన దాడుల వెనుక ఈస్ట్ టర్కిస్థాన్ ఇస్లామిక్ మువ్మెంట్ ఉందని, దీని స్థావరాలు పాకిస్థాన్లో ఉన్నా యని చైనా గతంలో ఆరోపించింది. ఈ సంస్థపై పాకిస్థాన్ చేపట్టిన చర్యలను కూడా చైనా ప్రశంసించిందని పాకిస్థాన్ నివేదికలు పేర్కొం టున్నాయి.
అమెరికా విదేశాంగ శాఖ కార్యదర్శి జాన్ కెర్రీ ఈనెల ప్రారంభంలో ఇస్లామాబాద్లో పర్యటించారు. భారత్, అమెరికా, ఆఫ్ఘనిస్థాన్ ప్రయోజనాలకు విఘాతం కలిగిస్తున్న అన్ని మిలిటెంట్ గ్రూపులపై కఠిన చర్యలు తీసుకోవాలని పాకిస్థాన్కు పిలుపునిచ్చారు.