ముసలివాళ్లమయిపోతున్నాం అనే ఫీలింగ్ కలిగిందంటే చాలు మీ సెక్స్ లైఫ్ను సంతృప్తిగా గడపలేరని తాజా అధ్యయనం చెబుతోంది. తమ వయస్సు పెరిగిపోతోందన్న భావనకు ఎంత దగ్గరగా మనుషులు వస్తే అంత త్వరగా వారి లైంగిక జీవితంలో నాణ్యత లోపిస్తుందని కెనడాలోని ఒంటారియాలో ఉన్న వాటర్లూ యూనివర్శిటీ అసోసియేట్ ప్రొఫెసర్ స్టీవెన్ మాక్ చెబుతున్నారు.
ఈ పరిశోధన కోసం మాక్ నేతృత్వంలోని బృందం సెక్స్, వృద్ధాప్యంకి సంబంధించి 1,170 మంది పెద్దలను తీసుకుంది. 40 ఏళ్ల నుంచి 70 ఏళ్లవయసులోని వారిని ఈ పరిశోధనకు తీసుకున్నారు. ఈ పరిశోధనలో తేలిన దాని ప్రకారం తాము ముసలివాళ్లమయిపోయామన్న ఫీలింగ్ వచ్చిందంటే అలాంటివారు సెక్స్లో పాల్గొనడం, లైంగిక కార్యంలో నాణ్యతను కలిగి ఉండటం, సెక్సువల్ సంబంధంలో ఆసక్తి అనేవి బాగా తగ్గిపోతున్నట్లు తేలింది.