ఆండ్రాయిడ్ ఓఎస్‌ కొత్త అప్‌డేట్‌ వెర్షన్ మార్కెట్లో అందుబాటులోకి వచ్చింది. ఆండ్రాయిడ్ 7.0 నౌగట్ పేరుతో వచ్చిన ఈ కొత్త వెర్షన్ గూగుల్‌ స్మార్ట్‌ఫోన్స్‌ అయిన నెక్సస్‌ సిరీస్‌లతో పాటు త్వరలో మార్కెట్లోకి రానున్న ఎల్‌జీ వి20 లాంటి నాన్‌ గూగుల్‌ ఫోన్‌లోనూ అప్‌డేట్‌ కానుంది. ఇంతకీ ఆండ్రాయిడ్ కొత్త ఓఎస్‌ 7.0 లో న్యూ ఫీచర్స్‌ ఏంటో పరిశీలిద్ధాం.
సాధారణంగా మనం వాడే స్మార్ట్‌ఫోన్‌కు వచ్చే నోటిఫికేషన్స్‌కు న్యూ టెంప్లెట్‌ ఉంటుంది. అందులో వాట్సప్‌ నోటిఫికేషన్‌, ఫేస్‌బుక్‌ లైక్‌, ట్వీటో కనిపిస్తే.. ఆ టెంప్లెట్‌ను ఓపెన్‌ చేసి ఎంచక్కా అక్కడి నుంచే డైరెక్ట్‌గా స్పందించవచ్చు. అంటే డైరెక్ట్‌ రిప్లై అనమాట.
ఐకాన్స్‌ సెట్టింగ్స్‌ విషయంలో మరింత వెసులుబాటు ఉంది. ఒకే స్వైప్‌తో ఫ్లాష్‌లైట్‌, వైఫై, బ్లూటూత్ లాంటివే కాకుండా మనకు నిత్యం ఉపయోగపడే ఐకాన్స్‌ మనకి ఇష్టం వచ్చిన ఆర్డర్‌లో సెట్‌ చేసుకునే వీలుంది.
