ప్రముఖ సాఫ్ట్‌వేర్ దిగ్గజం గూగుల్ ఆండ్రాయిడ్ ఓ పేరుతో సరికొత్త ఆపరేటింగ్ సిస్టమ్‌ను విడుదల చేయనుంది. ఆగస్టు 21న ఈ 'ఆండ్రాయిడ్ ఓ'ను విడుదల చేయనున్నట్టు ఇవాన్ బ్లాస్ అనే వ్యక్తి ట్వీట్ చేశారు. ఆండ్రాయిడ్ 7.0 నౌగట్‌ను కూడా గూగుల్ గత ఏడాది ఆగస్టు 22నే ఆవిష్కరించిన సంగతి తెలిసిందే. అదే ఒరవడిని అనుసరిస్తూ ఒక్క రోజు ముందుగా ఆండ్రాయిడ్ ఓ విడుదలకు ముహూర్తం నిర్ణయించినట్లు తెలుస్తోంది.
అయితే దీనిపేరు ఓరియోగా ఖరారు చేసినట్లు సమాచారం. ఈ ఓఎస్‌ ఆగస్టు 21 అధికారికంగా విడుదలైతే... మొదటగా పిక్సెల్, నెక్సల్‌ డివైజ్‌లో దీని అప్‌డేట్‌ ఉంటుందని టెక్‌ వర్గాల సమాచారం. ఈ ఆపరేటింగ్ సిస్టమ్ గూగుల్ సొంత పిక్సెల్ స్మార్ట్ ఫోన్లకు తొలుత వర్తిస్తుందని, థర్డ్ పార్టీ ఫోన్లు మాత్రం ఈ ఆపరేటింగ్ సిస్టమ్‌ను ఆలస్యంగా తీసుకుంటాయి.
