ఈ జియో నుంచి ఎదురవుతున్న పోటీని తట్టుకోవడానికి అనిల్ అంబానీకి చెందిన రిలయన్స్ కమ్యూనికేషన్స్‌‌తో పాటు.. అనేక ప్రైవేట్ టెలికాం కంపెనీలు ప్రత్యేక ఆఫర్ ప్రకటించింది. అంటే కేవలం ఒక్క రూపాయికే 4జీ నెట్‌వర్క్ కింద 300 నిమిషాల పాటు యాప్-టు- యాప్ కాలింగ్ సదుపాయాన్ని కల్పిస్తున్నట్లు తెలిపింది. ఈ ఆఫర్ నెల రోజుల వరకు అమలులో ఉండనున్నది.
అంటే రోజుకు 10 నిమిషాల చొప్పున 30 రోజుల వరకు 300 నిమిషాల పాటుకాల్ చేసుకునే అవకాశం లభించనున్నది. దీంతోపాటు వినియోగదారుడికి రోజుకు 7 మెగాబైట్స్ చొప్పున డేటా ఉచితంగా లభించనున్నదని ఆర్‌కామ్ సీఈవో గుర్‌దీప్ సింగ్ తెలిపారు. ఈ ఆఫర్ కేవలం ఢిల్లీ -ఎన్.సి.ఆర్ పరిధిలోని ప్రీపెయిడ్ వినియోగదారులకు మాత్రమే వర్తించనుంది. కాగా, ప్రస్తుతం సంస్థకు దేశంలో 11 కోట్ల మంది మొబైల్ వినియోగదారులు ఉన్నారు.
