తూర్పు నౌకాదళం పరధిలో 'మలబార్-07' పేరుతో భారత్-అమెరికా దేశాల సంయుక్త నౌకాదళ విన్యాసాలు మంగళవారం ప్రారంభమయ్యాయి. ఈ విన్యాసాల్లో ఆస్ట్రేలియా, జపాన్, సింగపూర్ దేశాలకు చెందిన యుద్ధ నౌకలు కూడా పాల్గొనున్నాయి. ముఖ్యంగా భారత నౌకాదళానికి చెందిన విమాన వాహక నౌక ఐఎన్ఎస్ విరాట్‌తో పాటు.. మరో ఏడు అత్యాధునిక యుద్ధ నౌకలు ఈ విన్యాసాలకు ప్రత్యేక ఆకర్షణగా నిలువనున్నాయి.
బంగాళాఖాతంలోని అంతర్జాతీయ జలాల్లో ప్రారంభమైన ఈ నౌకాదళ విన్యాసాలను వామపక్షాలు తీవ్రంగా వ్యతిరేకిస్తున్నాయి. విన్యాసాలను వ్యతిరేకిస్తూ కోల్‌కతా నుంచి విశాఖపట్నం వరకు జాత్ యాత్రను కూడా వామపక్షాలు ప్రారంభించాయి. భారత విదేశాంగ విధానానికి కేంద్రంలోని యూపీఏ ప్రభుత్వం తూట్లు పొడుస్తుందని వామపక్ష నేతలు జ్యోతిబసు, బర్థన్ తదితరులు ఆరోపించారు.
