వారిద్దరూ పబ్‌లో పరిచయమయ్యారు. ఇద్దరూ కలిసి మందు సేవిస్తూ ఎంజాయ్ చేస్తూ వచ్చారు. ఆ తర్వాత ఫోన్ నంబర్లు, ఇంటి చిరునామాలు ఇచ్చిపుచ్చుకున్నారు. తాజాగా తన ఫ్రెండ్ ఆహ్వానం మేరకు ఇంటికెళితే అతను తనలోని వక్రబుద్ధిని ప్రదర్శించాడు. ఆ యువతిపై అత్యాచారనికి పాల్పడ్డాడు. ఈ ఘటన దక్షిణ ఢిల్లీలో జరిగింది. ఈ వివరాలను పరిశీలిస్తే...
కెనడాకు చెందిన ఓ మహిళ మంగళవారం రాత్రి దక్షిణ ఢిల్లీలోని హాజ్‌ ఖాస్‌ ఏరియాలో ఓ పబ్‌కు వెళ్లారు. అదే పబ్‌కు వచ్చిన అభిషేక్‌ అనే యువకుడితో ఆమెకు పరిచయం ఏర్పడింది. వారిద్దరూ ఫ్రెండ్స్‌గా మారడంతో అడ్రస్‌లు, ఫోన్ నెంబర్లు ఇచ్చి పుచ్చుకున్నారు. స్నేహితులతో కలిసి బాధితురాలు ఆ రోజు ఇంటికి వెళ్లిపోయారు.
ఆ మరుసటి రోజు నిందితుడు అభిషేక్‌, కెనడా స్నేహితురాలికి ఫోన్ చేసి ఇంటికి ఆహ్వానించాడు. ఫ్రెండ్ అని అభిషేక్‌ను నమ్మి అతడి ఇంటికి వెళ్లగా.. అదేఅదనుగా భావించి ఆమెపై అత్యాచారానికి పాల్పడ్డాడు. అతడిబారి నుంచి బయటపడిన ఆ మహిళ నేరుగా ఎయిమ్స్‌ ఆస్పత్రికెళ్లి వైద్య పరీక్షలు చేయించుకుని అక్కడ నుంచే పోలీసులకు ఫిర్యాదు చేసింది. దీంతో కేసు నమోదు చేసిన పోలీసులు అభిషేక్‌ను అరెస్టు చేశారు.
