సొంత పార్టీకి చెందిన ఎంపీలకు కాంగ్రెస్ పార్టీ ఓ షరతు విధించింది. ప్రతి యేడాది రూ.50 వేల చొప్పున పార్టీకి విరాళాలు ఇవ్వాల్సిదేనంటూ కండిషన్ పెట్టింది. అంతేకాకుండా, పార్టీపై అభిమానం ఉన్న కనీసం ఇద్దరి నుంచి యేటా రూ.4 వేలు విరాళంగా సేకరించాలని కోరింది. అలాగే, ఖ‌ర్చు త‌గ్గించుకోవాల‌ని పార్టీ స‌భ్యుల‌కు సూచించింది.
ఇక‌పై కార్య‌ద‌ర్శులుగా ఉన్న‌వారికి 14,000 కి.మీ లోపు రైలులోనే ప్ర‌యాణించాల్సి ఉంటుంద‌ని తెలిపారు. అది దాటితే త‌క్కువ శ్రేణి విమాన చార్జీలు చెల్లిస్తామ‌ని వెల్లడించారు. అది కూడా నెల‌కు రెండు సార్లు.. విమాన చార్జీలు రైలు టికెట్ క‌న్నా త‌క్కువ ఉంటేనే చెల్లిస్తామ‌న్నారు.
అలాగే, ఇక‌మీద ప్ర‌తీ ఎంపీ ఏటా రూ.50,000 విరాళం ఇవ్వాల‌ని అంతే కాకుండా పార్టీపై అభిమానం ఉన్న కనీసం ఇద్దరి వ‌ద్ద నుంచి ఏటా రూ.4,000 విరాళం సేకరించాలని సూచించింది. కాంగ్రెస్ పార్టీ ప‌రిస్థితి ఇలా ఉంటే బీజేపీ విరాళాలు ఏడాదిలో రూ.1,450కోట్ల నుంచి రూ.2,555 కోట్ల‌కు పెరిగాయి.
