‘నేను పార్క్స్ట్రీట్ రేప్ బాధితురాలిని కాబట్టి నన్ను అనుమతించలేమని రెస్టారెంట్ యాజమాన్యం చెప్పింది. నన్ను లోపలికి అనుమతించవద్దని తమకు ఆదేశాలున్నాయని కూడా వాళ్లు చెప్పారు. అత్యాచారానికి గురవడం నా తప్పా? నేను మామూలు జీవితం గడపకూడదా?' అని ఆమె ప్రశ్నించింది. అయితే ఆమె గొడవ చేసే మనిషి కాబట్టే అనుమతించలేదని రెస్టారెంట్ యాజమాన్యం వాదిస్తోంది.
ఇద్దరు బిడ్డల తల్లైన ఈ మహిళను 2012 ఫిబ్రవరిలో తుపాకితో బెదిరించి నడుస్తున్న కారులోనే కొందరు అత్యాచారం చేసి అనంతరం బైటికి తోసేసారు. పశ్చిమ బెంగాల్ ముఖ్యమంత్రి మమతా బెనర్జీ అప్పుడు ఈ సంఘటనను కట్టుకథగా అభివర్ణించం వివాదం సృష్టించింది. ఈ సంఘటనలో కోర్టు అయిదుగురిని దోషులుగా పేర్కొన్నప్పటికీ ముగ్గురు మాత్రమే జైల్లో ఉన్నారు. మిగతా ఇద్దరూ ఇంకా పరారీలోనే ఉన్నారు.