వివరాల్లోకి వెళితే.. పశ్చిమబెంగాల్ రాష్ట్రంలోని కోల్‌కతా నగర శివార్లలోని పన్సుకుర ప్రాంతానికి చెందిన అనిమేష్ బక్షి (22) ఇంజనీరింగ్ విద్యార్థి. ఇతడు తన గర్ల్‌ఫ్రెండ్‌తో కలిసి పలు ప్రాంతాలకు చక్కర్లు కొట్టారు. ఆ సందర్భంగా.. నగ్న చిత్రాలు, వీడియోలు తీసుకున్నారు. ఈ ఫోటోలు, వీడియోలను దొంగలించిన బక్షి.. వాటిని పోర్న్ వెబ్‌సైట్‌లలో పోస్టింగ్ చేశాడు.
ఓ అమ్మాయి నగ్న వీడియోలను ఆమె పేరు, తండ్రి పేరిట పోర్న్ వెబ్‌సైట్‌లో పెట్టాడని పోలీసులు తెలిపారు. తనకు డబ్బులివ్వకుంటే అమ్మాయిల నగ్న చిత్రాలను పోర్న్ వెబ్‌సైట్‌లో పెడతానంటూ బెదిరిస్తూ గత రెండు నెలలుగా పలువురి నుంచి డబ్బు వసూలు చేశాడని పోలీసుల దర్యాప్తులో తేలింది. పోలీసులు నిందితుడైన అనిమేష్ బక్షిని అరెస్టు చేసి, ఆయనపై ఐపీసీ, ఐటీ చట్టాల ప్రకారం కేసు నమోదు చేసి.. దర్యాప్తు జరుపుతున్నారు.
