ఇదేంటి రావణుడిపై రాముకి భక్తి అనుకుంటున్నారా? అయితే ఆశ్చర్చపోకుండా చదవండి. లంకకు అధిపతి రావణుడిని శ్రీరాముడు హతమార్చిన సంగతి అందరికి తెలిసిందే. అలాంటప్పుడు రావణుడిపై రాముడి భక్తి ఛాన్సే లేదు. అయితే పంజాబ్ రాము మాత్రం.. రావణుడి భక్తుడు. రావణుడిపై రాముకు ఎంత భక్తి అంటే తన భూమిని రావణ ఆలయ నిర్మాణం కోసం లూథియానాలోని మహాత్మా రావణ్ జ్ఞాన్ పీఠ్కు విరాళంగా ఇచ్చేశాడు.
ఆసక్తికర విషయం ఏమిటంటే... అందరూ దసరా సందర్భంగా రావణ దహనం చేస్తుంటే, రాము మాత్రం రావణుడి కోసం 'శోక సభ' నిర్వహిస్తాడు. రావణుడిపై ఇంత భక్తి ఎందుకని ప్రశ్నిస్తే.. సోదరికి అవమానం జరిగితే.. ప్రతికారం కోసం రగిలిపోయాడన్నాడు. రావణుడు యుక్తిపరుడని కొనియాడాడు. అదండీ.. రావణుడిపై రాము భక్తి కథ.