మధ్యప్రదేశ్ రాష్ట్రంలో కాంగ్రెస్ పార్టీకి చెందిన ఓ ఎమ్మెల్యే సుపుత్రుడు ఒక యువతిపై లైంగికదాడికి పాల్పడ్డాడు. తన తండ్రి అధికారాన్ని అడ్డుపెట్టుకుని ఆ యువతిని పెళ్లి పేరుతో లొంగదీసుకున్నాడు. ఆ తర్వాత లైంగికదాడికి పాల్పడ్డాడు. దీనిపై బాధిత యువతి పోలీసులను ఆశ్రయించడంతో ఈ ఘటన వెలుగులోకి వచ్చింది. దీంతో ఇండోర్ పోలీసులు కేసు నమోదు చేసి విచారణ జరుపుతున్నారు.
తాజాగా వెలుగులోకి వచ్చిన ఈ వివరాలను పరిశీలిస్తే, ఉజ్జయిని జిల్లా బంద్‌నగర్‌ కాంగ్రెస్ ఎమ్మెల్యే మురళీ మొర్వాలి కుమారుడు కరన్ మొర్వాలి. అతను జిల్లా కాంగ్రెస్ యూత్‌ లీడర్‌గా పనిచేస్తున్నాడు. బాధితురాలు కూడా అదే యువజన కాంగ్రెస్ నాయకురాలు కావడం విశేషం.
దీంతో ఎమ్మెల్యే మురళి, అతని కుమారుడు కరన్‌పై కేసు నమోదు చేశామని పోలీసు అధికారి జ్యోతి శర్మ వెల్లడించారు. బాధితురాలిని వైద్య పరీక్షల నిమిత్తం దవాఖానకు పంపించామని తెలిపారు. ఈ కేసుకు సంబంధించి దర్యాప్తు కొనసాగుతున్నదని చెప్పారు.
