ఇంకా యాకూబ్ మీడియాతో మాట్లాడుతూ.. బాబ్రీ మసీదు బాబర్‌ది అని, మొఘల్ వంశస్థులకు తాను వారసుడిని కావడంతో ఆ స్థలం తనకే దక్కుతుందని కొత్త వాదనను వినిపించాడు. అంతేగాకుండా మొఘల్ సామ్రాజ్యాధినేత బహదూర్ షా జాఫర్‌కు తానే అసలైన వారసుడని, అందుకు ఇదే సాక్ష్యమంటూ డీఎన్ఏ రిపోర్ట్‌తో సహా మీడియాకు చూపించాడు.
ఇదిలా ఉంటే.. అయోధ్యలో దీపావళి సంబరాలు అట్టహాసంగా జరిగిన సంగతి తెలిసిందే. దీపాల కాంతులతో ‘జై శ్రీరామ్‌’, ‘భారత్‌ మాతా కీ జై’ నినాదాలతో ఆ ప్రాంతం మార్మోగింది. అయోధ్యను పర్యాటక ప్రాంతంగా ప్రచారం చేయడానికే ‘త్రేతా యుగం నాటి దీపావళి’ని ప్రజల కళ్లకు కట్టేలా ఏర్పాట్లు చేశామని యూపీ సీఎం యోగి ఆదిత్యనాథ్‌ చెప్పారు. అయోధ్య నగర్‌ నిగమ్‌లో ఉన్న జనాభా 1.71 లక్షలని దానికి సమాన సంఖ్యలోనే దీపావళికి దీపాలు వెలిగించినట్లు తెలిపారు.
