కోవిడ్ ప్రొటోకాల్‌ను అనుసరించి తిరువనంతపురంలోని సెంట్రల్ స్టేడియంలో అత్యంత నిరాడంబరంగా ఈ కార్యక్రమం జరిగింది. సీఎం పినరయి విజయన్‌తో పాటు 21 మంది మంత్రులుగా ప్రమాణం చేశారు. ఈ కార్యక్రమానికి సీపీఐ(ఎం) నాయకులతో పాటు పలువురు ప్రముఖులు హాజరయ్యారు. కొవిడ్-19 వ్యాప్తి నేపథ్యంలో ప్రతిపక్ష కాంగ్రెస్- యూడీఎఫ్ నేతలు సీఎం ప్రమాణ స్వీకార కార్యక్రమానికి దూరంగా ఉన్నారు.
విజయన్ మేనల్లుడు పీఏ.మహమ్మద్ రియాజ్‌ కూడా మంత్రిగా ప్రమాణం చేశారు. కేరళ శాసనసభ చరిత్రలో మామ, అల్లుడు మంత్రివర్గంలో ఉండడం ఇదే తొలిసారి. గతంలో ఉమ్మడి ఆంధ్రప్రదేశ్‌లోనూ ఇలాంటి సీన్ కనిపించింది. ఏపీ సీఎంగా ఎన్టీ రామారావు వ్యవహరించగా.. ఆయన కేబినెట్‌లో చంద్రబాబు మంత్రిగా వ్యవహరించారు.
