ఆయన దేశ ప్రధానమంత్రి. మరొకరు మలయాళ సూపర్ స్టార్. వారిద్దరు ఎవరో కాదు నరేంద్ర మోడీ. మరొకరు మోహన్ లాల్. కానీ, దేశ ప్రధానమంత్రిని కలుసుకునే భాగ్యం కోసం ప్రతి ఒక్కరూ ఎదురు చూస్తుంటారు. ఆయన సాయం కోసం ఆరాటపడుతుంటారు. కానీ, ఒక దేశ ప్రధానే స్వయంగా దిగివచ్చి స్టార్ హీరోను సాయం చేయాలని కోరితే. అలాంటి సంఘటనే ఒకటి ఇపుడు చోటుచేసుకుంది.
ప్రముఖ దక్షిణాది నటుడు మోహన్ లాల్‌కు ప్రధాని నరేంద్ర మోడీ ఓ లేఖను రాస్తూ, తన కార్యక్రమాల్లో భాగస్వామిగా మారి సహకరించాలని కోరారు. కేంద్రం తలపెట్టిన 'స్వచ్ఛతా హీ సేవా'లో మోహన్ లాల్ సహకారాన్ని కోరుకుంటున్నట్టు తెలిపారు.
తాను రాసిన లేఖలో "దేశాన్ని పరిశుభ్రంగా చేయడం ద్వారా పేదలకు ఎంతో సేవ చేసినట్టు అవుతుంది. చిత్ర రంగంలో మీకు ఎంతో ప్రత్యక గుర్తింపు ఉంది. ఆ గుర్తింపుతో ప్రజల జీవితాల్లో మీరు పాజిటివిటీని నింపవచ్చు. ఆ శక్తి మీకుంది. స్వచ్ఛతా హీ సేవా వంటి మంచి కార్యక్రమానికి మీరు సహకరించాలి. స్వచ్ఛ భారత్ సాధన దిశగా మీరు కొంత సమయం కేటాయించాలని నేను కోరుకుంటున్నాను. మీరు ముందడుగు వేస్తే, లక్షల మంది మీ వెంట కదిలొస్తారు. ఈ కార్యక్రమం విజయవంతం అవుతుంది" అని అన్నారు. అయితే, మోడీ రాసిన లేఖపై మోహన్ లాల్ స్పందించాల్సి ఉంది.
