భారత ప్రధాన మంత్రి బాధ్యతలు చేపట్టిన తర్వాత నరేంద్ర మోడీ బాటలోనే అమెరికా, రష్యా వంటి దేశాలు పయనించేందుకు రెడీఅవుతున్నాయి. ప్రధాన మంత్రి జన్ ధన్ యోజనపై అమెరికా, రష్యా లాంటి దేశాలు ఆసక్తి కనబరుస్తున్నాయి. త్వరలో ఆ దేశాల్లో జన్ ధన్ తరహా పథకాలు అమలైనా ఆశ్చర్యపోవాల్సిన అవసరం లేదని ఆర్థిక నిపుణులు అంటున్నారు.
ప్రపంచ ఉగ్రవాద వ్యతిరేక ఆర్థిక సంస్థ ‘ద ఫైనాన్సియల్ యాక్షన్ టాస్క్ ఫోర్స్’ ప్రస్తుతం జన్ ధన్‌పై భారత ప్రభుత్వం అందజేసిన నివేదికను ఆమోదించిందట. జన్ ధన్ యోజన లక్ష్యాలు, అనతి కాలంలోనే ఈ పథకం దిగ్విజయమైన తీరు, నో యువర్ కస్టమర్ తరహా వ్యవస్థలపై భారత ప్రభుత్వం ఆ సంస్థకు నివేదిక అందించింది. సదరు నివేదికను అధ్యయనం చేసిన ఆ సంస్థ ఫథకం విజయవంతమైన తీరును ప్రపంచ దేశాలకు వివరించనుంది.
