ముకేష్ అంబానీ బంపర్ ఆఫర్... జియో హేపీ న్యూ ఇయర్ ఆఫర్... 31-03-17 వరకూ ఫ్రీ

ముకేష్ అంబానీ మరో బంపర్ ఆఫర్ ప్రకటించారు. జియో హేపీ న్యూ ఇయర్ ఆఫర్ పేరిట ఉచిత సర్వీసులను మరో 3 నెలలు పొడిగిస్తున్నట్లు చెప్పారు. ఇప్పటికే జియో సిమ్ తీసుకుని ఉచిత సేవలు పొందుతున్నవారికి కూడా ఇది వర్తిస్తుందని వెల్లడించారు. ఆయన చెప్పిన మాటల్లో...

రోజుకు 6 లక్షల మంది యూజర్లు జియో సిమ్ తీసుకుంటున్నారు. ఇకపై సిమ్ 5 నిమిషాల్లో యాక్టివేషన్ అవుతుంది. వాయిస్ సర్వీస్ పోటీ కారణంగా కాస్త ఒడిదుడుకులు ఎదుర్కొంటున్నది నిజమే. ఈ కారణంగా 900 కోట్ల వాయిస్ కాల్స్ బ్లాక్ అయ్యాయి. లైసెన్స్ కండిషన్లపై ప్రభుత్వం తీసుకుంటున్న చర్యలకు ధన్యవాదాలు.

మొబైల్ నెంబర్ కనెక్టివిటీ కోరుకున్నవారికి జరుగుతుంది. జియో సిమ్‌ను హోమ్ డెలివరీ చేస్తాం. అలా చేసినప్పుడు సిమ్ యాక్టివేట్ 5 నిమిషాల్లో జరిగిపోతుంది. జియో కనెక్టివిటీ విషయంలో 92 శాతం టవర్లు సమర్థవంతంగా పనిచేస్తున్నాయి. 8 శాతం టవర్లతో చిన్నచిన్న సమస్యలున్నాయి. జియో 60 లక్షల మంది ఉద్యోగులతో 24X7 సర్వీస్ అందిస్తాం అని ముకేష్ ప్రకటించారు.