సేలం నగర పాలక సంస్థ పరిధిలో నేర నిరోధక విభాగం పోలీసులు జిల్లా కేంద్రంలో ఆదివారం రాత్రి వాహన తనిఖీల్లో నిమగ్నమయ్యారు. ఆ సమయంలో సేలంలోని కుమారసామిపట్టి వద్ద వేగంగా వెళుతున్న ఓ లగ్జరీ కారును నిలిపి సోదా చేశారు. ఆ కారులో ఉన్న బీజేపీ యువజన విభాగం నాయకుడు అరుణ్రామ్, అతడి స్నేహితుడు భువనేశ్ వద్ద విచారణ జరిపారు.
ఆ కారులో ఉన్న పెద్ద ప్లాస్టిక్ బ్యాగ్ను తెరచి చూడగా అందులో కొత్త రెండు వేల రూపాయల నోట్ల కట్టలు, వంద రూపాయల నోట్ల కట్టలు సహా మొత్తం రూ.18.5 లక్షల నగదు లభించింది. చిన్న తిరుపతి నుంచి సేలంకు తరలిస్తున్న ఆ నగదు తమకు చెందినవేనని అరుణ్రామ్ తెలిపాడు. అయితే సరైన దస్తావేజులు లేకపోవటంతో నగదును స్వాధీనం చేసుకున్నారు. ఆ నగదును అక్కడి ట్రెజరీలో భద్రపరిచేందుకు వీలుకాకపోవటంతో కలెక్టర్ కార్యాలయం వద్ద భద్రపరిచారు.