దేశం కోసం జీవితాన్ని అర్పించిన గొప్ప వ్యక్తి మరణం వివాదాస్పదం కావడం, దాని ద్వారా ఆయన్ని ప్రజలు గుర్తించుకోవడం తనకు బాధ కలిగిస్తుందని అనితా వెల్లడించారు. నేతాజీకి సంబంధించిన అంశాలను వెలుగులోకి తెచ్చేందుకు ప్రధాన మంత్రి నరేంద్ర మోడీ ప్రయత్నాలపై అనితా బోస్ హర్షం వ్యక్తం చేశారు.
జపాన్‌లో ఉంచిన నేతాజీ అస్తికలకు డీఎన్‌ఏ పరీక్షలు నిర్వహించాలని, భారత్-జపాన్ ప్రభుత్వాలు ఈ వ్యవహారంపై తక్షణం స్పందించాలని ఆమె విజ్ఞప్తి చేశారు. ఇంకా నేతాజీకి సంబంధించిన వాస్తవాలను జపాన్ బయటపెట్టకపోవడం ఆ దేశ ప్రతిష్టకు అవమానకరమైన విషయయని అనితా బోస్ పేర్కొన్నారు.
