మేషరాశి జాతకులు ఎన్ని కష్టాలొచ్చినా ఏమాత్రం పట్టించుకోరు. ఏది జరిగినా మంచిదేనని, దైవంపై భారమేసి జీవితాన్ని గడిపేస్తారు. ఈ జాతకులకు ఈ ఆగస్టు నెల ఎలాంటి ఫలితాలను ఇస్తుందంటే.. ఈ నెలలో కుజ మహర్దశ కారణంగా మాస ప్రారంభంలో శుభ ఫలితాలుంటాయి. ఎలాంటి పనినైనా సంతృప్తిగా పూర్తి చేస్తారు. బుద్ధి చాతుర్యం ప్రదర్శిస్తారు. పలుకుబడి అధికమవుతుంది. కీలక వ్యక్తుల పరిచయం ఏర్పడుతుంది.
మేషరాశి నాలుగో స్థానంలో సూర్యుడు, బుధ, గురు గ్రహాల కలయిక కారణంగా ధనం రాబడి ఉంటుంది. వ్యాపారం, వృత్తిలో మార్పు అనుకూలిస్తుంది. పదో స్థానం, గురుభగవానుడి దృష్టి కారణంగా ఉద్యోగాల్లో ఉన్న వారికి ప్రమోషన్, ట్రాన్స్ఫర్ లభిస్తుంది. వ్యాపారంలో బకాయిలు వసూళ్లవుతాయి. వాహనాల ద్వారా లాభం చేకూరుతుంది.
లక్కీ డేట్స్ : 19, 20.
లక్కీ డేస్ : గురు శుక్ర వారాలు
ఉచ్ఛరించాల్సిన మంత్రం : "ఓం శ్రీ షణ్ముగాయ నమః" అనే మంత్రాన్ని రోజు ఏడు సార్లు పఠించాలి.