కానీ, ముఖ్యంగా పంచమి తిథి నాడు జన్మించిన వారు వారాహి దేవిని ఆరాధిస్తే కీర్తి గడిస్తారు. పంచమి తిథి నాడు జన్మించిన జాతకులు అమ్మవారి ఆలయంలో వున్న పాము పుట్టకు అంటే నాగమ్మకు పూజలు చేయాలి. లేదంటే అమ్మవారి ఆలయానికి వెళ్లి ఐదు నూనెలు కలిపిన నూనె, ఎరుపు వత్తులతో పంచముఖ దీపాన్ని వెలిగించాలి. వెల్లుల్లితో చేసిన వంటకాలు.. ఉలవలతో చేసిన గారెలు, నవధాన్యాలతో చేసిన వంటకాలు, పెరుగు అన్నం, శెనగలు, పానకం వంటి వాటిని నైవేద్యంగా సమర్పించవచ్చు.
అలాగే ఓం శ్రీ పంచమి దేవి నమః.. మంత్రాన్ని జపించడం ద్వారా కుటుంబంలో సౌభాగ్యం ఉంటుంది. అప్పులు, పేదరికం తొలగిపోతాయి. శుక్ల, కృష్ణ పక్షాల్లో వచ్చే పంచమి రోజున వారాహి అమ్మవారిని ఆ తిథిలో జన్మించిన జాతకులు పూజించడం ద్వారా అష్టైశ్వర్యాలు, ఆయురారోగ్యాలు చేకూరుతాయని ఆధ్యాత్మిక పండితులు అంటున్నారు.
