ఆఫీసుకు ఏయే రంగుల్లో దుస్తులు ధరించాలి. ఏ రంగులు అనుకూలిస్తాయి..? ఏవి అనుకూలించవో ఒక్కసారి చూద్దాం.. ఆఫీసుల్లో మీరు ధరించే దుస్తుల రంగు.. సహోద్యోగుల మనస్థితిపై ప్రభావం చూపుతాయి. ఆఫీసుకు ఆకుపచ్చ రంగు దుస్తులు ధరించడం ద్వారా మీరు స్నేహపాత్రులనే సందేశం ఎదుటివారికి ఇచ్చినట్లవుతుంది. ఇంకా ఆఫీసు వాతావరణం ఆహ్లాదమవుతుంది.
నలుపు అధికార దర్పానికి ప్రతీక. ఈ రంగు దుస్తులు అన్ని రకాల వేడుకలకు ధరించవచ్చు. కానీ ఎరుపు, గులాబీ, నారింజ రంగు దుస్తులు మాత్రం ఆఫీసుల్లో ధరించడాన్ని తగ్గిస్తే మంచిది. ఇవి కోపానికి కారణమవుతాయి.
