విబూది అంటే పవిత్ర భస్మం. ఇది ఐశ్వర్యకారకం. పాపాలను నశింపచేస్తుంది. చెట్టు కాలినా చివరికి మిగలేది మాత్రం భస్మమే. అయితే ఏ బూడిద అయినా విబూదేనా అంటే కానే కాదని చెప్పాలి. సాధారణంగా గోమయ భస్మాన్నే విబూదిగా చెప్తారు. ఆవు పేడను సేకరించి పిడకలు లేదా ఉండలుగా చేసి వాటిని ఆరబెడతారు. ఆ పేడలో దాదాపు 16 రకాల ఔషధ గుణాలున్నాయి.
ఈ పిడకల్ని ధాన్యపు పొట్టులో కానీ గడ్డితో కానీ అరలు అరలుగా పేర్చి మాసశివరాత్రి రోజున వేదమంత్రోఛ్ఛారణ మధ్య కాల్చుతారు. ఈ పద్ధతిని విరజహోమం అంటారు. కాలాక వాటిని తడిపి ఆరబెడతారు. దీన్ని దిమ్మలుగా చేసి విబూదిపండ్లుగా భక్తులకు అందజేస్తారు. విబూదిని ఎక్కువగా తమిళనాడు, కర్ణాటకాల్లోని ఆలయాల్లో ఉపయోగిస్తుంటారు. విబూదిని గుడుల్లో అనుసంధానమై ఉండే గోశాలల్లో తయారుచేస్తుంటారు.
మూలికలు, సుగంధద్రవ్యాలు, ఆవు నెయ్యి ఉంటాయి. ఇవి అహాన్ని, కోరికలను అగ్నికి ఆహుతి చేశామన్న దానికి గుర్తుగా సాధువులు ధరిస్తుంటారు. విబూదిని ధరిస్తే అందులోని ఔషధ గుణాలు శరీరానికి చాలా మంచిది.
పద్ధతి ప్రకారం ఉంగరపు వేలు, బొటనవేళ్లతో విబూదిని తీసుకుని కనుబొమల మధ్య, గొంతుమీద, ఛాతిమీద ఎక్కువగా ధరిస్తారు. విబూది ధారణతో ఆధ్యాత్మిక భావన పెరగడంతో పాటు అనారోగ్యాల నుండి శరీరాన్ని కాపాటుకోవచ్చునని ఆధ్యాత్మిక పండితులు సూచిస్తున్నారు.
